ՀԿՀԱԱՇՄ-ն հասարակական, շահույթ չհետապնդող կանանց ոչ քաղաքական կազմակերպություն է: Այն ստեղծվել և ՀՀ արդարադատության նախարարության կողմից գրանցվել է 1999թ.: Կազմակերպությունում ընդգրկված են փորձառու մասնագետներ` համաճարակաբաններ, բնապահպաններ, թունաբաններ, հիգիենիստներ, գիտական աշխատողներ: ՀԿՀԱԱՇՄ-ն կայուն զարգացման, մարդու առողջության և շրջակա միջավայրի պաշտպանության և աղքատության կրճատման հարցերով զբաղվող տեղական ներկայացուցիչների ազգային ցանցն է: Մենք սերտորեն համագործակցում ենք այնպիսի միջազգային բնապահպանական և առողջապահական ցանցերի հետ, ինչպիսիք են `WECF, IPEN, HCWH, GAIA, PAN, EPHA, HEAL, EEB: Մենք առողջության, շրջակա միջավայրի, օրգանական երկրագործության հինախնդիրների լուծմանը նպաստում ենք կրթական, տեղեկատվական, հետազոտական ծրագրերի միջոցով, որոշումներ կայացնողների նկատմամբ լոբբինգի կազմակերպմամբ, տեղեկատվական նյութերի հրատարակմամբ և տարածմամբ, նաև միջազգային և տեղական կոնֆ‎երանսներին ու ֆորումներին մեր մասնակցությամբ: ՀԿՀԱԱՇՄ –ն օժանդակում և պաշտպանում է հայ կանանց մասնակցությունը տեղական և պետական մակարդակներում որոշումների կայացման գործընթացում:

Կազմակերպության կառուցվածքը